32-րդ գումարտակը պատրաստության և գնահատման ծրագիրը ավարտեց ցուցադրական վարժանքով
Վրաստանի պաշտպանության ուժերի արեւմտյան հրամանատարության 3-րդ հետեւակային բրիգադի 32-րդ հետեւակային գումարտակը Վազիանի պոլիգոնում ցուցադրական վարժանքով ավարտեց ուսուցման եւ գնահատման ծրագիրը։ Տեղեկությունը տարածում է Վրաստանի պաշտպանության նախարարությունը։
Գերատեսչության տվյալներով՝ սիմուլյացիոն սցենարի համաձայն, իրականացվել է ռեյդ, կազմակերպվել են պաշտպանական դիրքեր՝ հակառակորդի արգելափակում, հարձակում և օբյեկտի ոչնչացում։
Զորավարժություններին մասնակցել է Արևմուտքի հրամանատար, բրիգադի գեներալ Կոբա Գրիգոլիան։
«Չորսշաբաթյա պարապմունքների ընթացքում 32-րդ հետևակային գումարտակի «Ալֆա», «Բրավո» և «Չարլի» հետևակային վաշտերի ստորաբաժանումները գործնական պարապմունքներ են անցել իրական իրավիճակին հնարավորինս մոտ միջավայրում։ Դասընթացը բաղկացած էր երեք փուլից:
ՆԱՏՕ-Վրաստան Համատեղ ուսուցման և գնահատման կենտրոնի (JTEC) Մարտական պատրաստության կենտրոնի (CTC) դիտորդները վերահսկել են ուսումնական գործընթացը բոլոր երեք փուլերում և պատրաստել համապատասխան հանձնարարականներ: Նրանք 32-րդ հետևակային գումարտակը գնահատեցին որպես ամենակարգապահ և մոտիվացված ստորաբաժանումներից մեկը:
GDRP-ի հետագա պատրաստության և գնահատման ծրագիրը ուղղված է եղել գումարտակի պատրաստվածության և մարտական պատրաստվածության մակարդակի բարձրացմանը»,- ասված է ՊՆ տեղեկատվության մեջ։