2027 թվականին Վրաստանը կհյուրընկալի Ինտերպոլի Եվրոպական տարածաշրջանային համաժողովը
Իսպանիայի Տոլեդո քաղաքում ընթացող Ինտերպոլի 53-րդ Եվրոպական տարածաշրջանային համաժողովում անդամ պետությունների կողմից անցկացված ընտրությունների արդյունքում մեծամասնությամբ որոշվեց, որ հաջորդ՝ 54-րդ տարածաշրջանային համաժողովը, կանցկացվի Վրաստանում 2027 թվականին, հաղորդում է Ներքին գործերի նախարարությունը։
Նախարարության տվյալներով՝ որոշումը ևս մեկ անգամ ընդգծում է Վրաստանի իրավապահ մարմինների արդյունավետ և հաջող համագործակցությունը եվրոպացի գործընկերների հետ, ինչպես նաև երկրի աճող դերը և վստահությունը միջազգային ոստիկանական համագործակցության նկատմամբ։
Համաժողովին մասնակցել են Կենտրոնական քրեական ոստիկանության դեպարտամենտի տնօրենի տեղակալ Իրակլի Դոնդոլաձեն, Ինտերպոլի Վրաստանի ազգային կենտրոնական բյուրոյի ղեկավար Գիորգի Բոլոտաշվիլին և Իսպանիայի Թագավորությունում Վրաստանի Ներքին գործերի նախարարության ոստիկանական կցորդ Շալվա Շուբլաձեն։
Քվեարկությունից առաջ վրացական պատվիրակության ներկայացուցիչները համաժողովի մասնակիցներին տեղեկացրել են վրացական ոստիկանության կողմից կազմակերպված հանցագործության և թմրանյութերի ապօրինի շրջանառության դեմ պայքարում ձեռք բերված նշանակալի արդյունքների, միջազգային գործողություններում հաջող համագործակցության և իրավապահ համակարգի ժամանակակից հնարավորությունների մասին։
2027 թվականին Վրաստանում նախատեսված համաժողովին կմասնակցեն Ինտերպոլի գլխավոր քարտուղարության և գործադիր կոմիտեի ներկայացուցիչներ, ինչպես նաև եվրոպական տարածաշրջանի երկրների իրավապահ մարմինների ղեկավարներ։
ՆԳ նախարարությունը նշում է, որ Վրաստանի կողմից նման մասշտաբի միջազգային ոստիկանական միջոցառման հյուրընկալումը զգալիորեն կնպաստի իրավապահ ոլորտում գործընկերային հարաբերությունների հետագա ամրապնդմանը։