Ֆինանսների նախարարության տվյալներով՝ 2026 թվականի բյուջեի նախագծի վերջնական տարբերակը Տարածաշրջանային զարգացման նախարարությանը հատկացնում է 132.9 միլիոն լարի։

Նախարարության տվյալներով՝ հատկացված գումարը, ի թիվս այլոց, ներառում է. հանրակրթական դպրոցների աշակերտների տեղափոխումը՝ 70.0 միլիոն լարի, դպրոցների մանր վերանորոգում և պահպանում՝ 43.0 միլիոն լարի, ձմեռային ժամանակահատվածում բաժանարար գծին հարակից գյուղերին աջակցելու միջոցառումներ՝ չորս միլիոն լարի։

Ձեր տեղեկության համար՝ Վրաստանի խորհրդարանի քննարկմանն է ներկայացվել 2026 թվականի բյուջեի նախագծի վերջնական տարբերակը, որի համաձայն՝ համախմբված բյուջեի ծախսային մասի ընդհանուր գումարը կազմում է 36.3 միլիարդ լարի։ Ֆինանսների նախարարության տվյալներով՝ հաջորդ տարի իրական տնտեսական աճը նախատեսված է 5.0%, իսկ միջնաժամկետում իրական տնտեսական աճի կանխատեսումը՝ 5.3%։