2025 թվականի հունվար-ապրիլ ամիսներին Վրաստանի ապրանքային արտաքին առևտրաշրջանառությունը աճել է 15.3 տոկոսով

11:24, 13.05.2025

Վրաստանի ազգային վիճակագրական ծառայության նախնական տվյալներով՝ 2025 թվականի հունվար-ապրիլ ամիսներին, առանց հայտարարագրված առևտրի, Վրաստանի ապրանքային արտաքին առևտրաշրջանառությունը կազմել է 7 755.7 միլիոն ԱՄՆ դոլար, ինչը 15.3 տոկոսով գերազանցում է նախորդ տարվա նույն ժամանակահատվածի ցուցանիշը։

Այդ թվում արտահանումը կազմել է 2 014.4 միլիոն ԱՄՆ դոլար՝ աճելով 14.2 տոկոսով, իսկ ներմուծումը՝ 5 741.3 միլիոն ԱՄՆ դոլար՝ 15.7 տոկոս աճով։

Բացասական առևտրային բալանսը 2025 թվականի հունվար-ապրիլ ամիսներին կազմել է 3 726.9 միլիոն ԱՄՆ դոլար, ինչը կազմում է արտաքին առևտրի շրջանառության 48.1 տոկոսը։

Հեղինակ - Anna Badalian

Տնտեսական