Այսօր երկրում գազիֆիկացման ցուցանիշը լավագույններից մեկն է Եվրոպայում, դա պարզապես փաստ է,- այս մասին խորհրդարանի լիագումար նիստում, պատգամավորների հարցերին պատասխանելիս հայտարարել է Վրաստանի վարչապետի թեկնածու Գիորգի Գախարիան:

Ըստ նրա, գազիֆիկացման եռամյա ծրագիրը, որն ավարտվելու էր 2021 թվականին, չնայած այն հանգամանքին, որ երկրում գազիֆիկացման մակարդակը մոտ 85-90% է, երկարաձգվել է ևս 3 տարով:

«Մեկնարկել է 2021-2024 թվականների գազիֆիկացման նոր ծրագիրը: Մցխեթա-Մթիանեթի տարածաշրջանում 2019-2021 թվականների ծրագրով գազիֆիկացվել է լրացուցիչ 46 նոր գյուղ և 2022-2024 թվականների ծրագրում գազիֆիկացվելու է լրացուցիչ 17 գյուղ: 2024 թվականի ավարտին, երբ կավարտվի եռամյա ծրագիրը, երկրի գազիֆիկացման ցուցանիշը կլինի 90%-ից ավելին: Եվրոպական երկրներում նման ցուցանիշներ չկան և դա պետք է հաշվի առնենք: Եվրոպական երկրներում նման ցուցանիշ չկա, և շատ դեպքերում մենք ստիպված ենք դա հաշվի առնել: Երբեմն գազիֆիկացման կարգախոսը դառնում է ընտրական հարց և այն պետք է ավարտվի, քանի որ գազիֆիկացումը թանկ հաճույք է հատկապես լեռնային շրջաններում», – հայտարարել է Գիորգի Գախարիան: