Իլիա Թոփուրիան հաղթեց Չարլզ Օլիվեյրային և դարձավ UFC-ի թեթևքաշային չեմպիոն #1TVSPORT
Իլիա Թոփուրիան UFC-ի թեթևքաշային (70 կգ) չեմպիոնն է: Լաս Վեգասում կայացած միջոցառման ժամանակ վրացի մարտիկը հաղթեց բրազիլացի Չարլզ Օլիվեյրային։
Թոփուրիան կարողացավ չեզոքացնել Օլիվեյրայի բոլոր հզոր հարձակումները սկզբից: Ի վերջո, վրացի մարտիկը հաղթեց մենամարտը առաջին ռաունդում նոկաուտով:
Իլիա Թոփուրիան 2024 թվականի փետրվարին Ալեքսանդր Վոլկանովսկուն հաղթելուց հետո դարձավ UFC-ի չեմպիոն ենթաթեթև (65 կգ) քաշային կարգում։ Նա պաշտպանեց տիտղոսը հոկտեմբերին՝ Մաքս Հոլոուեյի հետ մենամարտում։ Այս տարվա փետրվարին վրացի մարզիկը հայտարարեց, որ քաշի կորստի գործընթացը դժվարացել է իր համար, և որ նա կտեղափոխվի թեթևքաշային դիվիզիոն, որտեղ կմենամարտի միայն տիտղոսի համար։
Իլիա Թոփուրիան ուրիան անպարտելի է խառը մարտարվեստում անցկացրած 17 մենամարտերից հետո, և սա նրա իններորդ անընդմեջ հաղթանակն էր UFC կազմակերպությունում, որտեղ նա ժամանակից շուտ հաղթել էր յոթ մենամարտ։
Արդյունքում, 28-ամյա վրացի մարտիկը UFC-ի երկու դիվիզիոնների չեմպիոն է։ Թոփուրիան կազմակերպության պատմության մեջ 10-րդ մարզիկն է, որը նման նվաճման է հասել։ Մինչ օրս տարբեր դիվիզիոններում գոտիներ են նվաճել Ռենդի Կուտյուրը, Բի Ջեյ Փենը, Քոնոր ՄաքԳրեգորը, Ջորջ Սեն-Պիեռը, Դանիել Կորմիեն, Ամանդա Նունեսը, Հենրի Սեժուդոն, Ջոն Ջոնսը և Ալեքս Պերեյրան։
Հիշեցնենք, որ հունիսի 8-ին Մերաբ Դվալիշվիլին հաջողությամբ պաշտպանեց UFC-ի գերթեթև քաշային կարգի (61 կգ) գոտին՝ հաղթելով ամերիկացի Շոն Օ’Մալիին, և ներկայումս Վրաստանը չեմպիոն ունի տղամարդկանց շրջանում կազմակերպության ութ քաշային կարգերից երկուսում։