《Մենք պետք է խստորեն պատժենք դավաճանության մեղավորներին》,- հայտարարել է Մոլդովայի նախագահ Մայա Սանդուն երկրի խորհրդարանում խուզարկությունից հետո երկու մարդու ձերբակալության մասին։

Մոլդովայի նախագահի խոսքով՝ միայն նման դեպքերի բացահայտումը բավարար չէ.

«Ցավոք սրտի, այս ամենը տեղի է ունենում, և ոչ միայն Մոլդովայի Հանրապետությունում։ Երկար տարիներ Մոլդովայի Հանրապետությունը լուրջ չէր վերաբերվում այս խնդրին, քանի որ մենք ունեինք նաև քաղաքական գործիչներ, ովքեր երկրի գլխին էին և աշխատում էին այլ պետությունների շահերից ելնելով։ Պատիժ ասելով՝ նկատի ունեմ դատախազությանը և դատարաններին։ Հուսով եմ, որ այս անգամ ապացույցները լուրջ կլինեն, և նույնքան լուրջ կլինի այդ մարդկանց պատժող կառույցների վերաբերմունքը։ Հիմա ամենակարևորն այն է, որ հայրենիքին դավաճանության այս օրինակը ամենախիստ պատժի ենթարկվի, ինչպես պահանջում է օրենքը»,- ասաց Մայա Սանդուն։

Մոլդովայի խորհրդարանում խուզարկությունից հետո ՌԴ դեսպանատան աշխատակցին վտարել են երկրից, իսկ երկու հոգի ձերբակալել են պետական ​​դավաճանության մեղադրանքով։