Ճապոնական ընկերությունը ներողություն է խնդրել գնացքի՝ նախատեսվածից 20 վայրկյան շուտ շարժվելու համար

12:11, 17.11.2017

Ճապոնական երկաթուղային ընկերությունը պաշտոնապես ներողություն է հայցել այն բանի համար, որ գնացքներից մեկը ճանապարհ է ընկել նախատեսված ժամանակից 20 վայրկյան առաջ:

Ինչպես հաղորդում է BBC-ն, Tsukuba Express ընկերությունը խոստովանել է, որ գնացքը, որը միացնում է Տոկիոն և Ցուկուբան, 9:44:40-ին մեկնելու փոխարեն երկաթուղային հարթակից շարժվել է 9:44:20-ին:

Ընկերությունում պարզաբանել են, որ աշխատակիցներից մեկը սխալ է թույլ տվել՝ չստուգելով ժամանակացույցը:

Միևնույն ժամանակ նշվում է, որ ընկերությունը դեռևս բողոք չի ստացել կատարվածի առնչությամբ:

Ճապոնիան աշխարհով մեկ հայտնի է տրանսպորտային համակարգի աշխատանքի ճշտապահությամբ:

Հեղինակ - Edgar Barsegyan

Միջազգային

Ճապոնիա