Իրակլի Կոբախիձեն հանդիպել է Բուլղարիայի դեսպան Վեսելին Վալկանովին
Վրաստանի վարչապետ Իրակլի Կոբախիձեն հանդիպել է Բուլղարիայի Հանրապետության արտակարգ և լիազոր դեսպան Վեսելին Վալկանովին, ով ավարտում է իր դիվանագիտական առաքելությունը Վրաստանում։
Զրույցի ընթացքում ուշադրություն է դարձվել երկու երկրների միջև առկա բարեկամական հարաբերություններին և երկկողմ կապերի, այդ թվում՝ տնտեսական համագործակցության խորացման ուղղությամբ ձեռք բերված առաջընթացին։
Հրաժեշտի հանդիպմանը կառավարության ղեկավարը շնորհակալություն է հայտնել դիվանագետին Վրաստանի և Բուլղարիայի երկկողմ հարաբերությունների զարգացման գործում ներդրած ավանդի համար և հաջողություններ մաղթել նրան։
Տեղեկատվությունը տարածում է Վրաստանի կառավարության աշխատակազմը։