Իսպանիան ինչպես Վրաստանը միասնական է և անբաժանելի. Կախա Կալաձե
Իսպանական El Mundo հրատարակչությունը հրապարակել է Թբիլիսիի նորընտիր քաղաքապետի հարցազրույցը: Հրատարակչույթունը հիմնականում շեշտը դրել է Կախա Կալաձեի մարզական և քաղաքական հաջողությունների վրա:
Հոդվածի հեղինակի խոսքերով, մինչ քաղաքականություն գնալը Կալաձեն խաղացել է այնպիսի ֆուտբոլիստների հետ միասին ինչպիսիք են՝ Մալդինին, Գատուզոն, Պիրլոն և այլոք:
«Կարող էի դուրս գալ թոշակի, եթե ոչ այն ինչ կատարվում էր Վրաստանում: 2012 թվականին բնակչության բողոքը այն ժամանակվա իշխանությունների նկատմամբ ինձ ստիպեց գնալ քաղաքականություն»,- ասել է Կալաձեն:
Լրագրողը նշում է, որ Կախա Կալաձեի քաղաքականություն գնալու դրդապատճառներից մեկը հանդիսացել է նաև իր եղբոր առևանգումն ու սպանությունը:
Հոդվածի հեղինակը ուշադրություն է դարձրել Վրաստանի Եվրոպայի հետ մերձենալու ցանկության վրա և նշել, որ դրա վկայությունն է մայրաքաղաքի կենտրոնում ծածանվող եվրամիության դրոշները:
Հեղինակ -
Edgar Barsegyan