Զեկույց․ Կորեական թերակղզում զինված հակամարտության դեպքում առաջին օրերին կզոհվի 30-300 հազար մարդ
17:19, 28.10.2017
ԱՄՆ կոնգրեսի հետազոտական ծառայությունը ներկայացրել է զեկույց Կորեական թերակղզում զինված հակամարտության դեպքում իրադարձությունների հնարավոր զարգացման ու զոհերի քանակի մասին։
ՏԱՍՍ-ի փոխանցմամբ՝ ըստ զեկույցի նույնիսկ եթե ԿԺԴՀ-ն սկսի սպառազինությունների սովորական տեսակներ գործածել, մարտերի առաջին օրերին զոհերի թիվը կտատանվի 30-300 հազարի միջեւ։ Իրենց գնահատականներում վերլուծաբանները հիմք են ընդունում ԿԺԴՀ հրետանու կուտակումները սահմանին, ասելով, որ այդ հրետանին կարող է րոպեում մինչեւ 10 հազար լիցք արձակել։
Ծառայությունը նաեւ կանխատեսում է հակամարտության արագ էսկալացիա, որի մեջ կարող են ներգրավվել Չինաստանը, Ճապոնիան ու Ռուսաստանը։ Եթե մարտական գործողությունները ձգձգվեն, բացառված չէ, որ դրանցում կներառվի նաեւ ԱՄՆ-ն։
