Аҷаратәи автономтә республика аиҳабыра рхантәаҩы Зураб Патариӡеи ари арегион Иреиҳаӡоу ахеилак ахантәаҩы Цотне Ананиӡеи, Баҭым ахада Гьаргь Цинцаӡеи, аиҳабыра алахәылацәеи  аҧсылманцәа Ҟурбан-Баирам аныҳәа рыдырныҳәалеит.

Зураб Патариӡе ишиҳәаз ала, ари аныҳәа агәыҳалалреи аидгылареи иасимволуп, уи ашәышықәсақәа рацәа ирылагӡаны арегионаҿ иҟоу аиҩызареи патуеиқәҵареи арҕәҕәоит.

„Иахьа ҳара, аҧсылман ҳтәылауаа, ҳашьцәеи ҳаҳәшьцәеи  ҳрывагыланы, Қурбан-Баирам аныҳәа иазгәаҳҭоит.  Ари аныҳәа агәыҳалалреи аидгылареи иасимволуп, уи ашәышықәсақәа рацәа ирылагӡаны арегионаҿ иҟоу аиҩызареи патуеиқәҵареи арҕәҕәоит. Ҳтәылеи ҳрегиони еснагь уи ала иалкаан. Ҳуаажәларра аҩныҵҟа иҟоу акзаареи аидгылареи ҷыдала ахә шьатәуп, уи ибзиаӡаны  иубарҭахеит Қырҭтәыла Акаталикос-Патриарх данҧсы амшқәа рзы. Усҟан, аҧсылман ҳашьцәеи ҳаҳәшьцәеи абри ахьаа ду ҳацеиҩыршеит, Рамазан-Баирам аныҳәа азгәаҭаразы мап ркит.  Ари афакт даҽазнык ишьақәнарҕәҕәоит аидгылареи патуеиқәҵареи шакәу ҳзырҕәҕәо“, – иҳәеит Зураб Патараӡе.

Аныҳәатә ныҳәара мҩаҧган Баҭым аџьамаа хадаҿы.