«Цәыббра  20 рзы иҟоу адыррақәа рыла, ауаажәларратә усурақәа рҿы аусурҭа роухьеит 23 нызқьҩык социалла ихьчам, аха аусура зылшо ауааҧсыра. Формалла аус зуаз  4316ҩык  рекономикатә усура алегализациа азыруит», — иҳәеит ахҵәацәеи, агәабзиарахьчареи, асоциалтә аиқәыршәареи азы аминистр Зураб Азарашвили апарламентаҿы данықәгылоз.

Аминистр иажәақәа рыла, ауаажәларратә усурақәа хықәкыс ирымоуп аамҭалатәи аусуратә ҭыҧқәа реиқәыршәареи кыраамҭа аус зымуаз ауааҧсыра аџьаус аџьармыкьашҟа ринтеграциа ацхраареи.

Зураб Азарашвили ишиҳәаз ала, апрограмма алҵшәа бзиа ахылҵит. Аҧыза-министр иаҧшьигаз ари апрограмма алагеит  2022 шықәса хәажәкыра 1 азы. Уи хықәкыс иамоуп социалла ихьчам, аха, аусура зылшо ауааҧсыра ауаажәларратә усурақәа рылахәызаара алшара рыҭареи, аџьаус аџьармыкьашҟа аинтеграциеи, аамҭакьаҿлатәи азанааҭтә курсқәа реиҿкаареи, иформалым аусура алегализациеи.

Апрограмма иалахәы ауааҧсыра, анеҩстәи ҧшьышықәса рыҩныҵҟа рхы иадырхәоит социалла ихьчам ауааҧсыра аҳәынҭқаррантә ироуа азинҷыдақәа.