Урыстәыла Аҳәынҭқарратә Думеи Афедерациа ахеилаки рыӡбарала,  урыстәылатәи аделегациа  Аусеицуреи Ашәарҭадареи рзы Европатәи Аиҿкаара Апарламенттә Ассамблеиаҿы  аусура иаҟәыҵуеит. Иара убас,  Урыстәыла ари аиҿкаара абиуџьетахь аҧаратә алагалақәа рыҟаҵара иаҟәыҵуеит.

Урыстәылатәи апарламент аҩ-палатак  Аусеицуреи Ашәарҭадареи рзы Европатәи Аиҿкаара Апарламенттә Ассамблеиа ахарарҵоит  «хықәкылатәи адискриминациатә азнеишьеи, аиҩбоу астандартқәеи, атоталтә русофобиеи, аиҿцәажәаразы ахиамзаареи, еиҟараны  ашәарҭадара аиқәыршәара иазку актуалтә зҵаарақәа рзгьы».

Аурыс азакәанҧҵаҩцәа ишырҳәаз ала, абри аҩыза аӡбара адкыларазы аҵыхәтәантәи мзызны иҟалеит Румынтәыла ахымҩаҧгашьа. Румынтәыла анапхгара, Бухарест имҩаҧысуаз ОБСЕ Апарламенттә Ассамблеиа аҽалархәразы аурыс делегациа алахәылацәа авизақәа рырымҭеит.