Украина арбџьартә мчқәа, Урыстәыла иаанашьҭыз 29 дрон рыҟнытә  28 карыжьит
Украина арбџьартә мчқәа, Урыстәыла иаанашьҭыз 29 дрон рыҟнытә 28 карыжьит

Урыстәылатәи аган уахынла Украина ахырхарҭала ирышьҭит “шаҳед” атип змоу 29 аԥырҩы дызҭам аппаратқәа, Украина арбџьартә мчқәа урҭ  рҟынтә 28 карыжьит, – аарыцҳаит Украина арбџьартә мчқәа рҟынтә.

“Днепропетровсктәи, Харковтәи, Черкасктәи, Херсонтәи, Кировоградтәи арегионқәа рҿы 28 дрон ркарыжьра ҳалшеит”, – иануп аҳәамҭа аҿы.

Харков аобласттә администрациа анапхгаҩы Олег Синегубов ишааицҳаз ала, адрон акаҳара ашьҭахь Харков хыбарк иблит, ахәрақәа роуит бжьҩык.