Украина аибашьра иадҳәаланы, Литва ахада Гитанас Науседа атәылаҿы аҭагылазаашьа ҷыда рылеиҳәеит.

Атәыла аҧыза-министр  Ингрида Шимоните лҳәамҭала, аҭагылазаашьа ҷыда амшала атәыла ауааҧсыра аҧкрақәа рзышьақәдыргылом.

«Аҳәынҭқарратә институтқәа иаамҭаны ақәҿыҭра алшара рымазароуп, аинфраструктуреи аҳәынҭқарратә резервтә фонди рхархәара ҳазыхиазароуп», — илҳәеит аҧыза-министр.

Иара убас, атәыла ахада Гитанас Науседа ишиҳәаз ала, Урыстәыла мацара акәымкәа, Беларусьгьы асанкциақәа азышьақәыргылатәуп.

«Ҳара Украина иаҿагыланы Урыстәыла имҩаҧнаго акриминалтә хҭысқәа ҳрыцклаҧшуеит. Агрессиа ақәҿыҭра аҳамҭар ҳалшом, избанзар, акгьы зхарам миллионҩыла ауааҧсыра ашәарҭара иҭагылоуп. Сара НАТОи Евроеидгылеи рҿы ҳпартниорцәа срацәажәахьеит. Ҳара активла Украина ҳадгылароуп», — иҳәеит  Науседа.