Уаҵәы  Қырҭтәыла ахада Саломе Зурабишвили, Бриуссель, Европатәи Ахеилак ахада  Шарль Мишель диҧылоит.  Ари аинформациа аланарҵәеит Қырҭтәыла ахада ладминистрациа.

Ари аиҧылара иазку аинфомациа иануп Европатәи Ахеилак асаит аҿгьы.

Иахьа  Саломе Зурабишвили, Берлин, Германтәыла ахада Франк-Вальтер Штаинмаиер диҧылеит.  Ари аиҧылара иазку аофициалтә информациа макьана ицәыргам. Саломе Зурабишвили асоциалтә аҳақәа рҿы афотоҭыхымҭақәа алалырҵәеит. Германтәыла ахада иофициалтә саит иануп афотоҭыхымҭа ақәҩырала — «Саломе Зурабишвили лҟны аиҿцәажәарақәа».

Нанҳәа 30 рзы Қырҭтәыла ахада ладминистрациа аинформациа аладырҵәеит нанҳәа 31 инаркны Қырҭтәыла ахада европатәи алидерцәа рҟны аиҧыларақәа рымҩаҧгара дшалаго азы. Ахада ладминистрациаҿы ишырҳәаз ала, арҭ аиҧыларақәа акандидат астатус иадҳәалоуп.  Анеҩс, Қырҭтәыла аиҳабыра, Саломе Зурабишвили авизитқәа рымҩаҧгаразы мап шылцәыркыз иазкны аҳәамҭа аладырҵәеит.

Иахьа ари азҵаара иадҳәаланы аҳәамҭақәа ҟарҵеит  „Ақырҭуа гәахәтәы“ ахаҭарнакцәагьы. Анапхгаратә гәыҧ алахәылацәа ишырҳәаз ала, атәыла ахада Қырҭтәыла Аконституциа еилалгеит, ари афакт иахәҭоу ақәҿыҭра аҭатәуп.