Украина ахатә  тәылауаа еиқәнархар аҭахуп, аха, уи иаанагом ахатә аҵакырадгьыл ахҧа рыхәҭак агрессор иҭара иазыхиоуп ҳәа, –   иҳәеит Украина ахада Владимир Зеленски ВВС аинтервиу аҿы.

Зеленски игәаанагарала, агрессор украинатәи аҵакырадгьылқәа импыҵахаланы ишимоу ари аимак арҵаара ҟалом.

«Ҳара ҳаҵахар  — ҳтәыла ҳцәыӡуеит. Џьоукы исазҵаауеит: «Уара узы иаҳа ихадоузеи  – аҵакырадгьыл акәу ауаа ракәу?  Аиҿарҧшра ҟалома?  Ҳәарада, ауаа роуп иаҳа ихадоу, аха, уи иаанагом ҳҵакырадгьыл  30 наӡына агрессор иҭара ҳазыхиоуп ҳәа.  Дара иҵегьы ишырымго шәазҳәада? Иҵаау аимак алҵшәа ахылҵуеит ҳәа шәазҳәада? Ари аимак иҵааны иҟан. Путин ҳнырҵәара иҭахым ҳәа шәазҳәада? Уи ауп иҭаху. Иара иҧсы ахьынӡаҭоу Асовет Еидгыла еиҭашьақәыргыланы, дахагылар иҭахуп», — иҳәеит Владимир Зеленски.