Владимир Зеленски иажәақәа рыла, ЕАШ Урыстәылантә адырра аиуит Украина аҵакырадгьыл аҿы аескалациа шынармыгӡо.

Владимир Зеленски Украинатәи ателеканал “1+1” аинтервиу аҿы ишазгәеиҭаз, ари атәы ЕАШ ахада Џьо Баиден иҟынтә еиликааит.

“ЕАШ ахада иҟынтә исоуз аацҳамҭа абри ауп – ЕАШ-и адунеи зегьи Урыстәылантә адырра роуит зхы иақәиҭу ҳҳәынҭқарра аҵакырадгьыл аҿы аескалациа шынармыгӡо. Сгәы иаанагоит, ари аҵак ду змоу дырроуп,” – иҳәеит Хеленски.

Иара убас, Украина ахада иазгәеиҭеит, Баидени иареи реилацәажәараан акомпромисқәа рызҵаара иқәгыламызт.

“Акомпромисқәа рызҵаара иқәгыламызт. Ҳара ЕАШ ацхыраарала Урыстәылаҟны аилацәажәарақәа даҽа платформа ҿыц ацәырҵра алшара ҳахцәажәеит”, – иҳәеит Зеленски.

Украина ахада Владимир Зеленскии ЕАШ ахада Џьо Баидени ԥхынҷкәын 9 рзы ҭелла еицәажәеит.