Евроеидгыла абжьагарақәа рзы еицҵаратәны аус зуа агәыҧқәа рыҟазаара лабҿаба иаҳнарбоит акзаареи амчи шыҟам , — илҩит Европарламент алахәыла Виола фон Крамон  «Твиттер» аҿы.

Лара лажәақәа рыла, Евроеидгыла алаларазы акандидат астатус аиура ҟалоит иаку аполитикатә класс ала.

«Қырҭтәыла девизс иамоуп: «Акзаароуп мчыс иҟоу», аха, рыцҳарас иҟалаз, Евроеидгыла абжьагарақәа рзы еицҵаратәны аус зуа агәыҧқәа рыҟазаара лабҿаба иаҳнарбоит акзаареи амчи шыҟам. Патриак акандидат астатус заиуам.  Евроеидгыла алаларазы акандидат астатус аиура ҟалоит иаку аполитикатә класс ала.  Аполитикатә мчқәа зегьы рхатә алагала ҟарҵароуп», — илҩит  Виола фон Крамон.

Қырҭтәыла апарламент аҿы иҟоу аоппозициатә депутатцәақәак, Европарламент адепутатцәа рҳәатәы иатәамбакәа,  12 абжьагарақәа рынагӡаразы апарламенттә аиҳара еиҿыркааз аусуратә гәыҧқәа рҿы аусура ргәы ишҭам аарыцҳаит.  Зегьы реиҳа идуу апарламенттә оппозициатә партиа  «Амилаҭтә ҵысра» ахаҭарнакцәа ишырҳәаз ала,  аиҳара ринициативала еиҿкаау  аусуратә гәыҧқәа рылахәызаара иазкны макьана аӡбара рыдрымкылацт.

🇬🇪 #Georgia's motto says "Unity is Power". Unfortunately, having parallel groups working on the EU recommendations demonstrates neither unity nor power. EU candidacy will be achieved not by a single party but by united political class. Everyone contributes, everyone gets credit!

— Viola von Cramon (@ViolavonCramon) July 22, 2022