«Қырҭтәыла  – ҷыдала акандидат астатус зыхәҭоу тәылоуп», — иҳәеит Венгриа аҧыза-министр Виктор Орбан  Қырҭтәыла аҧыза-министр Иракли Ҕарибашвилии иареи Ҵинандали еицымҩаҧыргаз абрифинг аҿы.

Виктор Орбан ишазгәеиҭаз ала, Венгриа Қырҭтәыла европатәи аҽазышәара ҕәҕәала иадгылоит.

«Жәларбжьаратәи аполитикаҿы ҳара еснагь аимакқәа аҭынчмҩала рҭықәҵара ҳазықәҧалароуп.  Уи аҿиаразы ахадаратә ҵакы амоуп.  Ҳара, ақырҭуааи авенгрцәеи ҳаиҧшуп, ари ахықәкы анагӡаразы иҳалшо зегьы ҟаҳҵоит. Сҩыза, Иракли Ҕарибашвили иҳәеит Венгриа Қырҭтәыла европатәи аҽазышәарақәа ирыдгылоит ҳәа. Уи иашоуп ҳәа ҳгәы иаанагоит.  Қырҭтәыла иаҳа Евроеидгыла иазааигәахарц алшара аҭатәуп.  Евроеидгыла абри аҩыза атәылақәа иаамҭаны иаднамкылар,  аконкуренциалшара ацәыӡуеит. Ҳаҭыр зқәу аҩызцәа, абри аконтекстаҿ, Қырҭтәыла -акандидат астатус зыхәҭоу тәылоуп», — иҳәеит Орбан.