Венециатәи акомиссиа «Аҭаацәаратә принципқәеи зықәра наӡам рыхьчареи иазку» азакәанахь аконституциатә ҧсахрақәа ирызкны агәаанагара аанарҧшит.

Адокумент ишану ала, Венециатәи акомиссиа агәынамӡара аанарҧшуеит зҵакы дуу абарҭ азҵаарақәа ирызку азакәанҧҵаратә инициатива амассатә протестқәа анымҩаҧысуа аамҭазы, алхрақәа рҟнынӡа мызқәак шагу, аполитикатә аибарххара аан  иахьалагаз азы.

«Венециатәи акомиссиа абжьагара ҟанаҵоит аҧсахрақәа рыдкыларанӡа шьаҭанкылатәи анализ  мҩаҧыргарц, анализ аҟаҵара апроцесс иалахәызароуп ауаажәларратә гәыҧқәа зегьы, ҷыдала асексуалтәи агендертәи аиҵарақәеи, иара убас, аекспертцәеи ари аусхкы апрофессионалцәеи. Абри аҩыза анализ алҵшәақәа аргама ицәыргазароуп.

Азинтә ахәшьара ҳалацәажәозар, Акомиссиа агәаанагарала, аҧсахрақәа европатәии жәларбжьаратәии астандартқәа ирышьашәалоуп ҳәа узыҳәом, избанзар, зыӡбахәы ҳәоу аҧсахрақәа Қырҭтәылаҿ ЛГБТ агәыҧқәа аҕашақә рызныҟәара ахылҵыр ауеит. Убри аҟынтә, Акаомиссиа Қырҭтәыла анапхгара ирыбжьанагоит  зыӡбахәы ҳәоу азакәанҧҵаратә ажәалагала адкылара апроцесс аанкыланы,  аханатә иахәаҧшырц», — иануп Венециатәи акомиссиа аихшьаалаҿы.