Аҩныҵҟатәи аусқәа рминистр  Вахтанг Гомелаури,  иара еиуеиҧшым аамҭазы Беларуси Азербаиџьани   «ФСБ» ахаҭарнакцәа дырҧылон ҳәа ҧасатәи ихаҭыҧуаҩ Сосо Гогашвили изықәиргылаз ахарадҵара  иааҧҵәаны мап ацәикит.

« 100 шықәстаәи аиубилеи азгәарҭон, ауснагӡатә аҿы еиуеиҧшым аҳәынҭқаррақәа рнапхгаратә хаҿқәа беларустәи Ашәараҭадара амаҵзура ахаҭарнакцәа амаҵзура ашьаҭаркра амш рыдырныҳәалон. Азербаиџьангьы ҳахьнеиз убасҵәҟьоуп ишыҟалаз», — иҳәеит Вахтанг Гомелаури.

Аминистр ишиҳәаз ала, зыӡбахәы ҳәоу ауснагӡатәқәа рҿы иҟан еиуеиҧшым аҳәынҭқаррақәа рхаҭарнакцәа.

«Дара Беларусь анапхгара рыдырныҳәалон. Америкеи, Британиа Дуи  рхаҭарнакцәа иҟан, иара убас, Урыстәыла ахаҭарнакцәагьы иҟан», —  иҳәеит аҩныҵҟатәи аусқәа рминистр.

Вахтанг Гомелаури Мцхеҭатәи араионаҿ аресторан имоуп, уаҟа Урыстәыла ахаҭарнакцәа идикылон ҳәа Гогашвили иалаирҵәаз аинформациа иадҳәаланы аминистр ишиҳәаз ала, иара аресторан имам, аиҧылрақәагьы мҩаҧигомызт.