ЕАШ ҿыц иалху ахада Дональд Трампи Урыстәыла ахада Владимир Путини ҭелла еиҿцәажәеит, – аанацҳаит “Вашингтон пост”.

Акьыԥхь анонимтә хыҵхырҭа аҟынтә аиуз адырра ҵаҵӷәыс аҭаны ишаанацҳаз ала, ҭелла аиҿцәажәараан Трамп Путин иахь ааԥхьара ҟаиҵеит Украина ицо аибашьра аескалациа аҟынтә иҽааникыларц, Европаҿ Вашингтон арратә контингент ду шамоу игәалаиршәеит.

Анонимтә хаҿы иажәақәа рыла, алидерцәа Европа аконтинент аҿы аҭынчра ашьақәыргылара иахцәажәеит, Трамп “Украина ицо аибашьра ахыркәшара” атемас иамазаауа иашьҭанеиуа адиалог дшазыхиоу иазгәеиҭеит.

Аноним ишааицҳаз ала, Украина аиҳабыра Трампи Путини реиҿцәажәара иазкны адырра рыман.

“Вашингтон пост” аинформациала, аиҿцәажәараан Трамп иазгәеиҭеит  Украина аҵакырадгьылқәа рыхәҭа Урыстәыла анапаҿы аанхара иазку аиқәшаҳаҭра дшадгыло.