Пригожин бџьарла игылара аурыс агентцәа рыла  “вагнераа” рҭаацәарақәа  рықәмақарра ааннакылеит. Ари атәы иануп британиатәи аҭыжьымҭа  «Телеграф» аҿы.

Британиатәи амаҵзура ҷыдақәа ирымоу ахыҵхырҭақәа инрықәыршәаны,   агәыҧ  «Вагнер» ала аҳәынҭқарратә аарҳәра аҽазкра ҟалеит урыстәылатәи амаҵзура ҷыдақәа рыла Вагнер алахәылацәа рҭаацәарақәа рықәмақарра амшала.

Иара убас, зыӡбахәы ҳәоу аинформациаҿы ишазгәаҭоу ала, агәыҧ Вагнер иалоуп  8000ҩык аибашьцәа мацара.  Пригожин урыстәылатәи аҳҭнықалақь агара иҽазикыр,  хымҧада даҵахоит.

Асабшаз Кремль ишаарыцҳаз ала, Пригожин, аҳәынҭқарратә ачарҳәаразы идырҵаз ахарадҵара иқәхра ацынхәрас,  Беларусҟа диасит. Пригожин ихаҭа ари афакт даламцәажәеит.

Британиа Ду атәылахьчара аминистрра адыррала, аҵыхтәантәи амшқәа рзы Украина иаҳа активла ажәылара иалагеит.