Цәыббра 12-14  рзы Аиҭашьақәыргылареи Аҿиареи азы Европатәи Абанк ахада Одиль Рено-Бассо  Азербаиџьани, Қырҭтәылеи, Шәамахьтәылеи дырҭаауеит.

Аиҿкаара адыррала, Рено-Бассо, абанк ахадас даныҟала инаркны раҧхьаӡа акәны Кавказтәи арегион даҭаауеит.

Аиҿкаара аинформациа инақәыршәаны, авизит иалагаанӡа, Европатәи абанк ахада Азербаиџьани, Қырҭтәылеи,  Шәамахьтәылеи ртәылауаҩратә уаажәларра ахаҭарнакцәа рҟны онлаин-конференциа мҩаҧылгеит.

Қырҭтәылаҿ,  Одиль Рено-Бассо,   аполитикатә напхгареи, адипломатцәеи, афинанстә институтқәа арегионалтә напхгаҩцәеи, абизнес-ассоциациақәа рхаҭарнакцәеи, хазхаҭалатәи асектор аҟынтә апартниорцәеи дырҧылоит. Лареи афинанстә сектори агәабзиарахьчара асектори рҟынтә апартниорцәеи акредиттә аиқәшаҳаҭрақәа рнапы рыҵарҩуеит.

Одиль Рено-Бассо лвизит мҩаҧысуеит Қырҭтәылаҿ  EBRD  аусура алагара инаркны 30 шықәса аҵра инамаданы. Аҵыхәтәантәи  30 шықәса рыла ари аиҿкаара Қырҭтәыла иаланаҵеит  5 миллиард евро аинвестициа  270 апроектқәа рзы.