«Қырҭтәыла ауааҧсыра 30 шықәса рыҩныҵҟа америкатә санкциақәа рыҵаҟа иҟоуп,  ҳтәылауаа раасҭа хынтә еиҳаны Урыстәыла атәылауаа, ҧшьынтә еиҳаны Шәамахьтәылеи Азербаиџьани ртәылауаа  америкатә визиқәа роуеит», — иҳәеит апартиа  «Ажәлар рымч» алахәыла  Созар Субари Қырҭтәыла Актәи аканал аинтервиу аҿы.

Иара ишиҳәаз ала, Қырҭтәыла атәылауаа Америка инеирц азыҳәан  20-30 нызқь адоллар ашәара рықәшәоит, астратегиатә партниор иҟынтә абри аҩыза азнеишьа иҟамзароуп.

Субари иажәақәа рыла америкатә цхыраара ҳалацәажәозар, Америка анапхгара Қырҭтәыла аиҳабыра рамхра иаҳәо, амитингқәа еиҿызкаауа иҳәынҭқарратәым аиҿкаарақәа роуп аҧара зырҭо.

«Ацхыраара ааныркылар, ари ацхыраара зауаз иҳәынҭқарратәым аиҿкаарақәа роуп игәамҵша.  6 миллиардк адоллар ацхыраароуп излацәажәо.  Аха,  реалра иуҳәозар, 4/5  миллиард ауп иҟаз,  ари аҧара аҟынтә миллиардк америкатә еспертцәа ирырҭеит.   3/5 миллиард аанхеит,  урҭ рҟынтә 2,5  миллиард ҳауит   2008 шықәсатәи аибашьра ашьҭахь,  усҟан  атәылаҿ америкатә агентура иҟамзҭгьы,  ари аибашьра ҟамлар ауан. Аибашьра ҟамлазҭгьы,  Қырҭтәыла аекономика   абарҭ  2,5 миллиард аасҭа иаҳа акырӡа аҿиара амазаауан», — заявил Созар Субари.

Америка аиҿкаарала имҩаҧгаз жәларбжьаратәи амиссиақәа рҿы Қырҭтәыла алагала иазкны Созар Субари ишиҳәаз ала,  ақырҭуа аруаа абарҭ амиссиақәа ирылахәымзҭгьы,   «Афганистан имҩаҧгаз америкатә миссиа мацара  2 миллиард адоллар ала иаҳа ахә цәгьахон».

«Қырҭтәыла абри амиссиа аҧара ду азоунажьҭит. Ақырҭуа аруаа рацәа иҭахеит,  агра зауз ҳаруаа рацәоуп. Ҳара жәларбжьаратәи апартниорраҿы алагала ду ҟаҳҵеит. Убри аҟынтә,  гәыбҕан ҳауҭаратәы ҳаҟам. Аруаҩк идамхаргьы,  иҧсҭазаара зыҧсоу аӡәгьы изыҳәом», — иҳәеит Созар Субари.