«Иарбанзаалак атәыла аибашьра зылшо арбџьармчқәа амазар алшоит, Шәамахьтәыла, жәларбжьаратәи азхаҵара змоу ахатә ҵакырадгьыл ахьчара ада уаҳа хықәкык амам», — иануп Шәамахьтәыла Адәныҟатәи аусқәа рминистрра аҳәамҭаҿы.

Аҳәамҭа ишану ала, арбџьармчқәа рреформа амҩаҧгара апроцессаҿ Шәамахьтәыла жәларбжьаратәи зин аҳәаақәа ирҭыҵуам.

Аҳәаатә инцидентқәа реилыргареи уи азыҳәан Азербаиџьани Шәамахьтәылеи рыбжьара азеиҧш механизм аҧҵареи иазкны Шәамахьтәыла аҧыза-министр иадминистрациа адипломатиатә каналқәа рыла  идәықәҵаз, иара убас, аргама иҟаҵаз ажәалагалақәа азербаиџьантәи аган аҟынтә макьана аҭак рмоуӡацт.

Абри аҩыза амеханизм иҟазҭгьы,  афактқәа зегьы реилыргареи ииашам аинформациа аларҵәара аҿагылареи ҳалшон. Шәамахьтәыла анапхгара аҭынчратә усхәаҧштә иадгылоит,  ари астратегиа мап ацәыркраны иҟам.

Иара убас,  Шәамахьтәылатәи  ареспублика,  адипломатиатә каналқәа рылагьы,  аргамагьы,  Азербаиџьан иаднагалеит абџьарлеибыҭара ахылаҧшразы азеиҧш механизм аҧҵареи иашьашәалоу аиқәшаҳаҭра анапаҵаҩреи,  аха,  Азербаиџьан ари ажәалагалазы аҭак ҟанамҵеит», — иануп Шәамахьтәыла Адәныҟатәи аусқәа рминистрра аҳәамҭаҿы.