Ахада азакәан аиҳаӡара аган аанылкылон ҳәа ҳгәыӷуан, аха лара даҽа мҩак алылхын, Ника Гварамиа ашьауӷа ихыхра аӡбара лыдылкылеит, – иҳәеит Қырҭтәыла апарламент ахантәаҩы Шьалуа Папуашвили Ника Гварамиа ашьауӷа ихыхразы Қырҭтәыла ахада илыдылкылаз аӡбара данахцәажәоз.

Шьалуа Папуашвили иажәақәа рыла, Гварамиа ашьауӷа ихыхра иадҳәаланы ахада илықәыӷәӷәон.

Апарламент ахада ишааицҳаз, ахада лыӡбара згәаԥхо, ари ашьаҿа адеполиаризациазы ҟаҵоуп ҳәа изҳәо, аопозициаа ирыцхраауеит.

“Арадикалтә рпозициа шырыҩҩԥсахуа аабап. Ҳпартнорцәагьы аҭакԥхықәра рхахьы шырго иаабоит. Ҳара аоптимизм азы ашьаҭа ҳамам, уаанӡатәи ашьауӷа ахыхра адеполиаризациа ҳзаанамгеит. Убри аҟынтә ауп иацы Қырҭтәыла ахада мотивкгьы лзаалымгеит, избан акәзар иреалу амотивқәа даара ицәгьруп2, – иҳәеит Папуашвили.

Қырҭтәыла ахада Саломе Зурабишвили, ателееилахәыра „Мҭавари“ агенералтә директор Ника Гварамиа ашьауҕа иқәылхит.