Қырҭтәыла ахада Саломе Зурабишвили  агәылареи арҭбаара иазку аиҿцәажәарақәеи рызҵаарақәа рзы Еврокомиссиа агенералтә директор Герт  Иан Копман атәылаҿ имҩаҧысуа апроцессқәа рзы диацәажәан,  иаҵшьны иазгәалҭеит иара ивизит шымҩаҧысуа  Қырҭтәыла евроинтеграциазы ахадаратә ҵакы змоу аамҭазы.

Ари аинформациа аланарҵәеит атәыла ахада ладминистрациа.

Атәыла ахада ишылҳәаз ала,  ҵыҧх акандидат астатус аиура афакт иахьа Қырҭтәыла европатәи аҧеиҧш иазықәҧо ақырҭуа жәлар агәыҕра ду рнаҭеит,  гәызҭаҵагас ирзыҟалеит. Абри аҩыза иуадаҩӡоу аамҭазы ақырҭуа жәлар европатәи апартниорцәеи аҩызцәеи рҟынтә адгылара рҭахуп.  Саломе Зурабишвили лажәақәа рыла, лабҿаба иубарҭоуп Урыстәыла иалшо зегьы шыҟанаҵо Европа ахырхарҭала Қырҭтәыла ацара апроцесс ааннакыларц азыҳәан.

Герт Иан Копман ишиҳәаз ала,  Евроеидгыла Қырҭтәыла имҩаҧысуа ахҭысқәа даараӡа иаргәамҵуеит. Атәым анырра аартызаара иазку азакәан Қырҭтәыла евроинтеграциа апроцесс иаҧырхагахоит. Иара иажәақәа рыла,  рашәарамзазы Евроеидгыла алахәылацәа арҭбаара апакет ҿыц иахәаҧшуеит, убри аҟынтә,  Қырҭтәыла анапхгара,  аконструктивтә азнеишьа аарҧшны,  ари апроцесс иаҧырхагамхароуп.