Америкатә партниорцәа ахара рыдҵара амшала, ҳбџьармчқәеи НАТО астандартқәа рзааигәахара апроцесси шьаҭас ирымоу ҳстратегиатә партниорра ашәарҭара иҭагылеит, – илҩит Қырҭтәыла ахада Саломе Зурабишвили асоциалтә аҳаҿы.

Саломе Зурабишвили Америка Атәылахьчара аминистрра иахьа иаланарҵәаз аҳәамҭа дахцәажәеит. Ари аҳәамҭа инақәыршәаны, Америкеи Қырҭтәылеи реизыҟазаашьақәа реиҭахәаҧшра аҳәаақәа ирҭагӡаны, Америка аӡбарала, Қырҭтәыла имҩаҧысраны иҟаз азыҟаҵарақәа  „Иаҧсоу апартниорра“ иҳәаақәҵам аҿҳәарала ихырҧоуп.

Атәыла ахада ишылҳәаз ала, анапхгаратә партиа иҧсыҽхаз, аизолиациаҿы иҟоу Қырҭтәыла иаҳа  идуу ашәарҭара иҭадыргылоит.

„Аурыс закәан адкылареи, америкатә партниорцәа раҳаҭыр аларҟәреи ахара рыдҵареи ала,  ҳбџьармчқәеи НАТО астандартқәа рзааигәахара апроцесси шьаҭас ирымоу ҳстратегиатә партниорра ашәарҭара иҭадыргылоит. Абри зегьы Қырҭтәыла аинтересқәа ҳәа иашьҭоуп…Аха, убри аамҭазы, иҧсыҽхаз, аизолиациаҿы иҟоу Қырҭтәыла иаҳа еиҳау ашәарҭара иҭадыгылоит“, – илҩит Саломе Зурабишвили.