Саломе Зурабишвили – Америка Қырҭтәыла акандидат астатус анашьара ишадгыло азы ауаажәларратә азхаҵара ду иҟазароуп
«Урыстәыла Украинаҿ имҩаҧнаго аибашьра Қырҭтәыла изхысыз ҳгәаланаршәоит», — илҳәеит Қырҭтәыла ахада Саломе Зурабишвили CBS NEWS апрограмма «60 минуҭ» аҿы.
«Уи, еснагь, ишиашо ашәарҭароуп, абри ауп аус злоу. Урыстәыла аҭагылазаашьа агәаҭара иаҿуп», — илҳәеит Саломе Зурабишвили.
Саломе Зурабишвили лҳәамҭала, уажәы аурысцәа Қырҭтәыла аҭагылазаашьа гәарҭоит. «Абраҟа рымҩа мариоуп — агибридтә еибашьра», — илҳәеит Саломе Зурабишвили.
Қырҭтәыла иаҭааиз Урыстәыла атәылауаа ирызкны ианлазҵаа, Саломе Зурабишвили илҳәеит: «Шәтәылаҿ аҕа ибызшәала ицәажәо, рыҩны иҟоушәа згәы иабо ауаа анырацәоу, ҳәарада, уи уаргәамҵуеит».
Ажурналист аимпичмент апроцедурагьы дазааҭгылан, длазҵааит: «Аҧыза-министр Евроеидгыла алалара дазҿлымҳам ҳәа шәгәы иаанамгаӡои?». Саломе Зурабишвили ари азҵааразы абас аҭак ҟалҵеит: «Ҳуааҧсыра зегьы абри азҵаароуп ирымоу: — аиҳабыра Евроеидгыла алахәызаара рҭахуп, ажәаны мацара».
Қырҭтәыла акандидат астатус арымҭар, уи алҵшәас ахылҵуеи ҳәа ажурналист илылҭаз азҵаара аҭак аныҟалҵоз Саломе Зурабишвили илҳәеит, – «уи Урыстәылазы аиааира ду акәхоит».