«Қырҭтәыла европатәи аҭаацәара алахәылас иҟалар аҭахуп, уи аҭоурыхтә алхроуп. Убри ауп ҳҧеиҧш ҳәаақәызҵо», — илҳәеит Қырҭтәыла ахада Саломе Зурабишвили Европарламентаҿ данықәгылоз.

Лара лажәақәа рыла, Қырҭтәыла европатәи алхра азакәантә мчы амоуп.

«Ҳаҭыр зқәу ахада Роберта, ҳаҭыр зқәу Европарламент алахәылацәа, шәызынтәгьы ҭабуп ҳәа шәасҳәар сҭахуп абри Ассамблеиаҿ ақәгылара алшара ахьсышәҭаз азыҳәан. Абри аамҭа ҳтәылаз ахадаратә ҵакы амоуп, уи ҳаҭырқәҵароуп.  Ҳаҭыр зқәу ахада, 13 шықәса раҧхьа Қырҭтәыла ахада  абри аиҿкаараҿы дықәгылон, иахьа саргьы Қырҭтәыла ауааҧсыра зегьы ргәаанагара шәзаасырҧшуеит. Дара европатәи аҭаацәара иалалар рҭахуп. Уи аҭоурыхтә алхроуп, убри ауп ҳҧеиҧш ҳәаақәызҵо. Қырҭтәыла аиҳабыреи, ажәлари, 27 аҳәынҭқаррақәеи Қырҭтәыла аҧеиҧш еицырыӡбароуп, ҳуааҧсыра ари азҵаара иӡбаны ирымоуп, сара ацҳамҭала сықәгылоит  –  европатәи алхра альтернатива амам, ари алхра азакәантә мчы амоуп.

Стәыла Аконституциа ишану ала, аҳәынҭқарратә структурақәа зегьы евроинтеграциа ацхрааразы иаҭаху ашьаҿақәа рыҟаҵара ируалуп. Сара, атәыла ахада, ааҧсадара уи ҟасҵоит, Аконституциа ақәныҟәара мацараз акәымкәа, аморалтә позициа алагьы», — илҳәеит  Саломе Зурабишвили.