Рашәара 1 инаркны социалла ихьчам ахәыҷқәа ироуа ацхыраара 150 лари рҟынӡа иазҳауеит

11:29, 18.04.2022

Рашәара 1 инаркны социалла ихьчам ахәыҷқәа ироуа 100 лари иаҟароу ацхыраара 150 лари рҟынӡа иазҳауеит, – иҳәеит Қырҭтәыла аԥыза-министр Иракли Ӷарибашвили иахьа имҩаԥысыз аиҳабыра реилатәара аҿы.

Ӷарибашвили иажәақәа рыла, иазҳаз ацхыраара роуеит 215 000-ҩык иреиҳаны ахәыҷқәа.

“Ари ахырхарҭазы иалху абиуџьет 341 миллион лари иаҟарахоит. Ари ацхыраара нагӡахоит иаауа ашықәс азгьы. Ҳара иҳадаҳкылаз аӡбара инақәыршәаны, социалла ихьчам ауаа рзы егьырҭ апрограммақәа ралагарагьы ҳҭахуп, иаҳҳәап аусурҭала аиқәыршәара апрограмма, уҳәа уб. егь. Ҳара хықәкыс иҳамоуп асоциалла ихьчам ауааԥсыра рыцхыраара, хықәкылатәи ацхыраара”, – иҳәеит аԥыза-министр.

АПОЛИТИКА

АУААЖӘЛАРРА

Ирaкли Ӷaрибaшвили

социалла ихьчам ахәыҷйәа