Атәылауаҩратә ҵысра «Раҧхьа иргыланы Қырҭтәыла» ахаҭарнакцәа рҳәамҭала,   Саломе Зурабишвили  ашьауҕақәа рықәхрала, ажәлар рыгәҭа аиашамра ацәанырра алалырҵәоит, аполиаризациа армаҷра ацынхәрас, аҭагылазаашьа лырцәгьоит.

Атәылауаҩратә ҵысра алахәылацәа ишырҳәаз ала, уаҵәы, асааҭ  13:00 рзы апрезиденттә ахан аҧхьа акциа мҩаҧыргоит, дара ргәаанагарала, Саломе Зурабишвили лнапынҵақәа  шьҭалҵароуп.

«Саломе Зурабишвили Қырҭтәыла аинтересқәа дрызҿлымҳам,  далызхыз ақырҭуа жәлар ргәазыҳәара налыгӡом.

Саломе Зурабишвили  ашьауҕақәа рықәхрала, ажәлар рыгәҭа аиашамра ацәанырра алалырҵәоит,  избанзар, лара лымшала ацәгьауцәеи ҳтәыла аҕацәеи аҭакҧхықәра иацәцеит, лара азакәан аиҳаӡара апринцип иатәалбом,  аполиаризациа армаҷра ацынхәрас, аҭагылазаашьа лырцәгьоит.

Шәааи, рашәара  24, асааҭ  13:00 рзы апрезиденттә ахан аҧхьа ҳаизаны, аҳәынҭқарра иаҿагыло лоуранагӡаразы апротест ҟаҳҵап! Лнапынҵақәа шьҭаҵаны адеструктивтә оппозициаа рыгәҭа дгыларц  илаҳҳәап, уоуп лара иахьылҭыҧу!» — иануп аҳәамҭаҿы.