Қырҭтәылеи, Молдовеи, Украинеи рҧыза-министрцәа Еврокомиссиа ахада Урсула фон дер Лаиен ашәҟәы лзырҩын,  Мрагыларатә партниорра атәылақәа акоронавирус аҽыхьчаратә вакцинала реиқәыршәара дацхраарц илыҳәеит.

Аҧыза-министрцәа иаҵшьны иазгәарҭеит апандемиа аныҟалаҵәҟьа, акоронавиурс ахкҿыци уи иахылҵыз асоциалтәи аекономикатә проблемақәеи рыҿагыларазы Евроеидгыла, зыҧшра ҟамҵакәа, апартниор тәылақәа ишрыцхрааз.

«Ашәҟәы аҟны ишазгәаҭоу ала, уажәазы, апандемиа аҵархаразы ахадаратә ҵакы амоуп амассатә ишәарҭам авакцина. Убри аҟынтә,  3 тәылак рҧыза-министрцәа  Еврокомиссиа иаҳәоит  «авакцинақәа реиҭныҧсахлара амеханизм» Мрагыларатә партниорра атәылақәа рҿгьы аларҵәара амазарц, убри абзоурала, абарҭ атәылақәа, егьырҭ ахыҵхырҭақәа рыла ироуа авакцинақәа рҭаҵәах иамҭаны ихадырҭәаар рылшоит. Аиҳабырақәа рнапхгаҩцәа ишазгәарҭаз ала, абри ахырхарҭала Еврокомиссиаҟны аусеицура анагӡара иазыхиоуп», — иануп Қырҭтәыла аиҳабыра рпресс-маҵзура аинформациаҿы.