Қырҭтәыла иаҭаауеит ЕАШ аконгресс аделегациа

19:09, 05.09.2021

Қырҭтәыла аԥыза-министр Иракли Ӷарибашвили иааԥхьарала, цәыббра 6-9 рзы Қырҭтәыла иаҭаауеит ЕАШ аконгресс аделегациа. Ари атәы аарыцҳаит Адәныҟатәи аусқәа рминистра аҟынтә.

Аусҳәарҭа аинформациаала, аделегациа иалоуп аконгрессменцәа Алеқс Қсавиер Мун, Браиан Џьорџь Стил, Келли Маикл Армстронг, Керол Девин Миллер, Рональд Џьин Естес.

Авизит аҳәаақәа ирҭагӡаны аконгрессменцәа Қырҭтәыла анапахгара рхаҭарнакҵәа – аԥыза-министр Иракли Ӷарибашвилии, Адәныҟатәи аусқәа рминистр Давид Залкалиании, Атәылахьчара аминистр Џьуаншер Бурҷулаӡеи, Аекономика аминистр Наҭиа Ҭурнавеи ирԥылоит. Иара убас аиԥыларақәа мҩаԥгахоит апарламент аҿы, аконгрессменцәа ампыҵахаларатә цәаҳәашҟа инеины, аҭыԥ аҿы иҟоу аҭагылазаашьа гәарҭоит.

АПОЛИТИКА