Қырҭтәыла Ахьыҧшымра амш атәыла зехьынџьара иазгәарҭоит  аныҳәатә усмҩаҧгатәқәа рыла. Аусмҩаҧгатәқәа еиҿыркаауеит аиҳабыра радминистрациа.

Лаҵара 26 рзы, шьыжь инаркны, Ахақәиҭра ашҭаҿы, арратә ҭоубашьҭаҵара аофициалтә церемониа мҩаҧгахоит.

Қырҭтәыла аиҳабыра радминистрациа аинформациа инақәыршәаны, ақьырсианра аҳәынҭқарратә религиас алаҳәара инаркны  1700 шықәсатәи аиубилеи инамаданы, сынтәа Ахьыҧшымра амш иазку аусмҩаҧгатәқәа мҩаҧгахоит аконцепциала: «1700 шықәса — адинхаҵара амч ҳнаҭоит, абзиабара ҳаиднакылоит».

Аинформациаҿы ишазгәаҭоу ала, сынтәа аҭоубашьҭаҵара ацеремониа зеиҧшҟамлац ала амҽхак духоит: раҧхьаӡа акәны, аҿар арратә ҭоуба шьҭарҵоит Қарҭи, атәыла 12 регионқәеи рҿы, ажәытәӡатә ақьырсиантә уахәамақәеи аберҭыҧқәеи раҧхьа.

Убри аҽны, Қарҭ, Орбелиани ишҭеи Алеқсандровтәи абаҳчеи рҿы, еиуеиҧшым акультуратәи, аспорттәи, агәырҿыхаратәи, ахәыҷтәи усмҩаҧгатәқәа мҩаҧгахоит. Аамҭакала, аныҳәатә усмҩаҧгатәқәа мҩаҧысуеит арегионқәа рҿы, ашҭа хадақәа рҿы.

Асааҭ  17:10 рзы, атәыла зехьынџьара аҳәынҭқарратә хьыӡрашәа анагӡара ала, иазгәаҭахоит ахьыҧшымра алаҳәара аамҭа. Аныҳәа хыркәшахоит атәыла зехьынџьара имҩаҧысуа аконцерт ду ала.