Қырҭтәыла аҧыза-министр Иракли Кобахиӡе Шәамахьтәылатәи ареспублика атәылахьчара аминистр Сурен Папикиан диҧылеит. 

Аиҧылараҿы ҩ-тәылак рыбжьара ишьақәгылаз аганрацәалатә усеицуреи ҩ-ганктәи аизыҟазаашьақәа рҿы иҟоу адинамика бзиеи иалацәажәеит. 

Хшыҩзышьҭра рызун атәылахьчара аусхкы аҿы ҩ-ганктәи, арегионалтәи, жәларбжьаратәи аусеицура иаҵанакәа азҵаарақәа. Аганқәа рхаҭарнакцәа атәылақәа еицынарыгӡо, зҵакы дуу апроектқәагьы ирылацәажәеит. Ишазгәаҭаз ала,  ҩ-ганктәи аусеицура аплан аҳәаақәа ирҭагӡаны,  атәылахьчара аусхкы аҿы Қырҭтәылеи Шәамахьтәылеи рпартниорра қәҿиарала аҿиара иаҿуп. 

Аганқәа рхаҭарнакцәа жәларбжьаратәи апроцессқәа рҿы арегион инанагӡо ароль ду иазааҭгылеит. Аҧыза-министр даҽазнык ишьақәирҕәҕәеит Қырҭтәыла арегионаҿ аҭынчреи аҭышәынтәалареи рырҕәҕәара ацхраара ишазыхиоу.