Қырҭтәыла апарламент аҿы аиҳабыреи аиҳабыратә программеи агәрагара рзаарҧшра азҵаара акомитетқәа рҿы иахәаԥшуеит.

Аиҳабыратә программа  — «Европатәи аҳәынҭқарра аргыларазы» хықәкыс иамоуп апандемиа иахылҵыз акризис излауа ала ирласны  алҵреи, ирласны аекономика аиҭашьақәыргылареи аҿиареи, атәылауаҩ цыҧхьаӡа иҭышәынтәалоу ишәарҭам алагылазаара изеиқәыршәареи, аструктуратә реформақәа рынагӡареи.

Аиҳабыраҿ аструктуратә аиҭакрақәа мҩаԥыргар ҟалап – Аҵареи, аҵарадырреи, акультуреи, сапорти рминистрра  акультура ахырхарҭа алҵра азҵаара иахәаԥшуеит.

Қырҭтәыла Аҧыза-министр инапынҵақәа назыгӡо Гьаргь Гахариа апарламент адигалеит аиҳабыра реилазаара. Аиҳабыра реилазаараҿы аҧсахра заҵәык ҟалеит  —  аиустициа аминистр иҭыҧ азы кандидатс дықәдыргылеит Гоча Лорҭқиҧаниӡе.

Аиҳабыра агәрагара рзаарԥшразы аҭахуп 76-ҩык адепутатцәа рыбжьы.