Қырҭтәыла акоронавирус 360 афакт ҿыцқәа аарҧшуп, даҽа 242ҩык апациентцәа ачымазара иалҵит

11:25, 19.03.2021

Қырҭтәыла акоронавирус 360 афакт ҿыцқәа аарҧшуп. Ари аинформациа жәбар шәылшоит аиҳабыратә саит ҷыда stopcov.ge. аҿы.

Аҵыхәтәантәи 24 сааҭ рыла атәылаҿы даҽа 242ҩык апациентцәа ачымазара иалҵит, 9ҩык апациентцәа иҧсит.

Аҵыхәтәантәи 24 сааҭ рыла атәылаҿы акоронавирус азы иҟаҵан 23 827 атестқәа.

Атәылаҿы акоронавирус аарҧшра иҵоуроу арбагақәа: есымшатәи — 1,51%, аҵыхәтәантәи 14мшы рыла — 1,51%, аҵыхәтәантәи бжьымш рыла — 1,37%.

Инезакны, Қырҭтәыла акоронавирус адиагноз рзышьақәырҕәҕәоуп 276 796ҩык, урҭ рҟынтә 269 626ҩык ачымазара иалҵхьеит, 3683ҩык апациентцәа иҧсит.

235ҩык акарантин аҿы иҟоуп, 1434ҩык — ахәышәтәырҭақәа рҿы, 154ҩык — аковид-сасааирҭақәа рҿы.

Хәажәкыра 18 рзы Қырҭтәыла акоронавирус 369 афактқәа аарҧшын, 378ҩык ачымазара иалҵит.