Германтәыла аполитикатә гәыԥқәа, аоппозициатә фракциа  CDU/CSUа уахь иналаҵаны, ссоциациатә трио иалоу атәылақәа атәылақәа  –  Қырҭтәылеи Украинеи, Молдовеи Евроеидгыла акандидат статус ирласны анашьара аԥшьгарала иқәгылеит, – ари атәы аарыцҳаит Қырҭтәыла адәныҟатәи аусҳәарҭа аҟынтә.

“Иларҵәаз адыррақәа рыла, CDU/CSU аус аднаулаз арезолиуциа аҿы, афракциа афедеративтә аиҳабыра ахь ааԥҳьара ҟанаҵоит, рашәара 23-24 рзы имҩаԥысран иҟоу асаммит аҿы арҭ атәылақәа астатус ранашьара адгыларц. Афракциа европатәи аполитиказы аспикер Гиунтер Крихбаум иҟаиҵаз аҳәамҭала, хтәылак Евроеидгыла ашәқәа рзаартра Евроеидгыла аинтересқәа ирылоуп.

Арезолиуциа атекст адискуссиеи абжьыҭиреи афракциа аҩнуҵҟа мҩаԥысуеит, афракциа адокумент шьақәнарӷәӷәар, уи Бундестаг адгаланы, уа адебатқәеи абжьыҭиреи мҩаԥгахоит. Арезолиуциа апроект “Украинеи Молдовеи, Қырҭтәылеи Евроеидгыла акандидат статус ранашьара лас” ауп хьӡыс иамоу”, – иануп аминистрра аиформациа аҿы.