Қарҭ ақалақьтә аӡбарҭаҿы  «Қырҭтәыла ҕәҕәеи», «Амилаҭтә ҵысреи» Алхратә комиссиа хада иаҿагыланы аӡбарҭа иаларҵаз ашшыҧхьыӡқәа ирыхәаҧшуеит. Арҭ ашшыҧхьыӡқәа жьҭаара 26 рзы имҩаҧгаз апарламенттә алхрақәа ирызкуп. Апартиақәа аокругтә алхратә комиссиақәа ицәырыргаз  алхрақәа рылҵшәақәа раҧыхра иаҳәоит, дара рҳәамҭала, алхрақәа раан абжьыҭира амаӡа еилаган.

«Амилаҭтә ҵысра» ахантәаҩы Ҭина Бокучава ишылҳәаз ала, иахьа дара аӡбарҭаҿы ашаҳаҭгақәа цәырыргоит.

«Иацы Алхратә комиссиа хада алахәылацәа,  ашьаҭақәа аанзыжьуаз, абжьыҭира амаӡа еилазгоз  афирматә маркерқәа  «Смартматик» закәандара даҽа маркерқәа рыла ирыҧсахит. Уи ҳтәыла европатәи аҧеиҧш аҕьычра аҽазкроуп. Аӡбаҩ  Ивери Абашиӡе ҳконституциа ахьчарала, Қырҭтәыла аҭоурых ҿыц данылар илшоит, мамзаргьы,  Иванишвили алхрақәа ҳацәҕьычраҿы дицхраауеит», — илҳәеит  Бокучава.