Қарҭ адунеи иреиҕьу атуристтә быжь-хырхарҭак реиқәыҧхьаӡа ианылеит

14:29, 24.10.2024

Индиатәи авиаеилахәыра Vistara аборттә журнал апассаџьырцәеи онлаин-аҧхьаҩцәеи Қырҭтәыла рыҧсы ршьарц ирыбжьанагоит. Атуризм амилаҭтә администрациа адыррала, ажурнал ахаҭарнакцәа, апресс-тур аҳәаақәа ирҭагӡаны Қырҭтәыла иаҭаан, атәыла атуристтә потенциал рбеит.

Астатиаҿы аҭаацәаратә ҧсшьаразы адунеи иреиҕьу быжь-хырхарҭак аарҧшуп, урҭ роуп: Лос-Анџьелес (ЕАШ), Сингапур, Миунхен (Германтәыла), Паро (Бутан), Дельта Окаванго (Ботсвана) , Џьаисалмер (Индиа).

Хара имгакәа авиаеилахәыра Vistara идуӡӡоу индиатәи авиаеилахәыра IndiGo иадлоит. IndiGo Делинтә Қарҭҟа арегулиартә реисқәа мҩаҧнагоит.

Ари аинформациа аланарҵәеит Атуризм амилаҭтә администрациа.

АУААЖӘЛАРРА

адунеи иреиҕьу атуристтә быжь-хырхарҭак

Атуризм aмилaҭтә aдминистрaциa

Қарҭ