Ҧуҭ-Қарҭ-Ҧуҭ амаршрутла, аконтеинертә блок-дәыҕбақәа аныҟәара иалагеит, иахьа  «Ҭбилиси Драи Порт» ашҟа раҧхьатәи адәыҕба неит.

«Ареисқәа мҩаҧгахоит мчыбжьыкахь ҧшьынтә. Ҧуҭынтә адәыҕба дәықәлоит асааҭ  21:30 рзы, Қарҭҟа иаауеит асааҭ  09:47 рзы. Убри аҟынтә, аидара зтәу ауаа абаҕәазантә Қарҭҟа ирласӡаны аидара наргар рылшоит. Дара аидара андәықәлогьы, Қарҭҟа ианаауагьы аамҭа рдыруеит. Қырҭтәыла аихамҩа аклиентцәа  рзы ари амаҵзура аҵакы ду амоуп, избанзар, амшынтә цәаҳәақәа аконтеинерқәа рырхынҳәразы аҿҳәара ҳәаақәырҵоит. Амаҵзура ҿыц абзоурала, аконтеинертә амҩангара автомобилтә транспорт аҟынтә аихамҩашҟа ииасуеит. Ганкахьала, уи амҩадуқәа ҭанарҵәоит, егьи аганахьала аҧсабаратә лагылазаара иаҳа имаҷны ҧырхага аиуеит», — иануп  «Қырҭтәылатәи аихамҩа» аинформациаҿы.