Ҧасатәи асенатор Ричард Лугар иҧсҭазаара далҵит
10:39, 29.04.2019
87 шықәса зхыҵуаз ҧасатәи асенатор Ричард Лугар иҧсҭазаара далҵит. Вашингтон иҟоу Лугар ицентр ари аинформациа шьақәнарҕәҕәеит.
1977 – 2013 шықәсқәа рзы Ричард Лугар Сенат аҿы ареспубликатә партиа дахаҭарнакын.
Ричард Лугар ихьӡ ахын 1991 шықәсазы Конгресс аҿы ирыдыркылаз апрограмма, уи абиологиатәи, ахимиатәи, атомтәи бџьар аутилизациа иазкын. Ҧасатәи асенатор 2013 шықәса инаркны Лугар ицентр дахагылан.
Ричар Лугар ихьӡ ахуп Қырҭтәыла иҟоу ауаажәларратә гәабзиарахьчара ацентргьы.
