«Априоритетқәа зегьы еиҟараны аҵакы рымоуп, аха, ҳара ҷыдала апрогресс ҳазыҧшуп адеолигархизациа азҵаараҿы, аконреттә уснагӡатәқәа рплан ала», — иҳәеит Қырҭтәыла иҟоу Евроеидгыла ацҳаражәҳәаҩ   Павел Герчински.

Иара иажәақәа рыла, абжьагарақәа рынагӡара иазку аҳасабырба цәырыргоит жьҭаара агәҭаны, акандидат астатус иазку аӡбара рыдыркылароуп Евроеидгыла иалоу  27 ҳәынҭқаррақәа.

«Априоритетқәа зегьы еиҟараны аҵакы рымоуп, аха, Евроеидгыла иреиҳаӡоу ахаҭарнак Жозеп Боррель ишиҳәаз еиҧш,  ҳара ҷыдала апрогресс ҳазыҧшуп адеолигархизациа азҵаараҿы, иара убас, аӡбаратә система ареформеи, АИХқәа рхақәиҭреи уҳәа афронтқәа зегьы рҿы апрогресс ҳазыҧшуп аконреттә уснагӡатәқәа рплан ала.  Арҭбаара иазку аҳасабырба ацәыргаранӡа мчыбжьқәак аанхеит, анеҩс, Евроеидгыла иалоу   27 ҳәынҭқаррақәа аҵыхәтәантәи аӡбара рыдыркылароуп. Жьҭаара анҵәамҭаз дара иҳаракӡоу аҩаӡараҟны аиҧылара мҩаҧганы, еицҿакны аӡбара рыдыркылоит», — иҳәеит  Герчински.