“Намахвани ГЕС” аргылара иаҿагылоу ауааҧсыра ракциаҿы аиҿагылара ҟалеит

«Намахвани ГЕС»  аргылара иаҿагылоу акциаҿы, Ареспублика ашҭаҿы, аиҿагылара ҟалеит.

Аиҿагылара иалагеит  атәылауаҩратә активистцәа Саломе Баркери Зука Берӡенишвилии акциашҟа ианнеи ашьҭахь.

Баркер ишылҳәаз ала, лнапы иамаз аҿаҳәага ЛГБТ асимволика анын, абри ауп аимак зхылҵыз, избанзар акциа алахәылацәа аҿаҳәага амхра лыдарцалон.

«Иахьа, асааҭ  12:00 рзы,  «Риони аҧсҭҳәа ахьчаҩцәа» аультиматум иқәдыргылан, амҩа дыркыр рҭахын, убри азоуп сара акциашҟа сызнеиз.  Ҭынч сгылан.  Нас,  аӡә дааит, Гурам Палавандишвили иҷкәын иоуп ҳәа сыҟоуп, иара снапы иамаз аҿаҳәага амсхырц сыдицалон.  Иамсхӡом ҳәа иасҳәеит, избанзар сара  ҩышықәса рыҩнуҵҟа есымша абри аҿаҳәага ныҟәызгоит. Нас, аилаҩынтәра иалагеит», — илҳәеит Баркер.

Азинчаҩцәа аҭагылазаашьа аҭыҧқәҵара рылшеит. Активистцәа рҩыџьагьы абри аҵакырадгьыл  аҟынтә идәылыргеит.