Алхратә комиссиа хада аҳәамҭа ишану ала, алхрақәа ирылахәыз алхыҩцәа рхыҧхьаӡара иадҳәаланы аларҵәара зауз имцырку аинформациа агитациатә ҟазшьа аиуит.

Алхратә комиссиа хада апресс-маӡаныҟәгаҩ Наҭиа Иоселиани ишылҳәаз ала, алхрақәа  ирылахәыз ауаа рхыҧхьаӡара асиақәа ирныз ауаа раасҭа еиҳазшәа аманипулиациақәа иҟоуп, уи мцуп, иреалым афактқәа рыла ари апроцесс адискредитациа рҽазыркит.

«Иахьа шьыжь инаркны ари азҵаара иазҿлымҳау ауааҧсыра алхрақәа ирылахәыз ауаа рхыҧхьаӡара иадҳәаланы имцырку аинформациа аларҵәара иаҿуп, ари аинформациа агитациатә ҟазшьа аиуит. Дара, Астатистика амилаҭтә маҵзура адыррақәеи алхыҩцәа рхыҧхьаӡареи еиҿарҧшны, ари аинформациа аманипулиациа азыруеит алхрақәа  ирылахәыз ауаа рхыҧхьаӡара асиақәа ирныз ауаа раасҭа еиҳазшәа. Ҳара иааҧҵәаны иааҳацҳауеит ари аинформациа шиашам, уи мцуп. Иазҿлымҳау ахаҿқәа излацәажәо ацифрақәеи  Алхыҩцәа иаку рсиа адыррақәеи еиқәшәом. Иазҿлымҳау ауаа иреалым афактқәа рыла ари апроцесс адискредитациа рҽазыркит.  Ҳара ауааҧсыра аинформациа иаша рыҭара наҳагӡоит, иазҿлымҳау ахаҿқәа алхыҩцәа ржьара алшара раҳҭом», — илҳәеит Наҭиа  Иоселиани.