Қырҭтәыла амилаҭтә банк ахада Наҭиа Ҭурнава америкатәи европатәи аинвестицитә еилахәырақәа рхаҭарнакцәа дырԥылеит.

Қырҭтәыла амилаҭтә банк аинформациала, аинвестициатә гәыԥ иалоуп Amundi, Helikon Investments, Yiheng Capital, T. Rowe Price, LMDV Capital, Schroder Investment Management UK, Citi еилахәырақәа рхаҭарнакцәа.

Амилаҭтә банк ахада аҳәаанырцәтәи аинвесторцәа Қырҭтәыла афинанстә џьармыкьа иадҳәаланы иаадырԥшуа азҿлымҳареи агәрагара дуи рзы ҭабуп ҳәа ралҳәеит.

Аиԥылараҿы ирылацәажәеит Қырҭтәыла иахьатәи амакроекономикатә хырхарҭақәеи ԥхьаҟатәи аперспективақәеи, афинанстә сектор аҿы иҟоу аҭагылазаашьеи.

Наҭиа Ҭурнава ишазгәалҭаз ала, Қырҭтәыла амакроекономикатә ҭагылазаашьа ҭышәынтәалоуп, афинанстә сектор арбагақәа бзиоуп, аекономикатә азҳара дууп.